எரிகின்ற கொள்ளியில்
கரைகின்ற எண்ணை போல்
சூழ்நிலைகள் என்னுள் எரிந்து
தரையில் உதிரும் சாம்பலாய்
தகர்ந்து கொண்டிருக்கிறது_என் தனிமை!!!
நான் நானும் அல்ல... வேறு யாரும் அல்ல
நிர்வாணமே இங்கு நிரந்தரம்
புரியவில்லை _ அரிதாரங்கள்
பூசும் மனங்களுக்கு
கலைந்த வேஷங்களும்
கலைந்த பின் அடுத்து நடக்கும் ஒப்பனைகளும்
கணப்பொழுதில் கண்முன்னே
நிகழ்ந்து கொண்டுதான் இருக்கிறது...!!!
இவையனைத்தையும் வீறுகொண்டு
விளக்கமாயுரைக்க _ இயம்பவில்லை
என் நாக்கு..!!!
போனால் போகட்டும்
மனங்கெட்ட மானுடர்கள்..!!
பாழாய் போன சடங்குகளும்
பழகி புளித்த சாஸ்திரங்களும் _ அணிந்து கொள்ள
என்ன தான் ஆசையோ இவர்களுக்கு
எடுத்து சொன்னால்
மிருகம் நான்...கடவுள் நீங்கள்..!!!
சத்தங்கள் சூழ்ந்து சச்சரவுகள் மிகுந்து
வெறும் பிண்டங்கள் ஆளும் நாட்டு வாழ்க்கையின்
கடவுளாய் இருப்பதை விட_இருள் மட்டுமே புரளும்
காட்டு வாழ்க்கையில் ஒரு
மிருகமாய் அலைவதே மேல்....!!!!!
1 comment:
i feel that slaping in my heart..........so akka im not tat much fluent in english..........
Post a Comment