மௌனங்கள்!!

பேசுவாய் என்னும் எதிர்பார்ப்பில்
இடைவெளியின்றி விழுந்து கொண்டிருக்கிறது
திடமான மௌனங்கள்!!
எளிதாக தான் இருக்கிறது
வார்த்தைகளை விட
இந்த பாழாய் போன மௌனங்களை பற்றிக்கொள்வது!!
இந்த மௌனம் தான்
எத்தனை கச்சிதமாய் பொருந்துகிறது
எல்லா நேரங்களிலும்
முக்கியமாக விழித்திருக்கும் வேளைகளில்
பெரும்பாலும்
எனக்குள்ளே வசிக்க நேரும்
நானும் என் மௌனங்களும்
சற்று கடுமையாகவே வெளிப்படக்கூடும்
என்றைக்காவது ஒரு நாள்....!!!